屬羊嘅朋友喺2019年屬於歲合年,係一個平穏向好年頭。由於今年暗合一粒『暗貴神』星嘅原故,正所謂『暗貴財神,財氣大旺』,所以各位羊仔羊女今年會有較好的投資發展,得財嘅機會較多。
事業方面,屬羊嘅朋友今年出現一粒暗『貴神』吉星,可以令您哋人緣增添;但要小心,『白虎』凶星則會令您哋因色惹禍。已婚嘅人士,要當心墮入桃花陷阱之中,自尋煩惱而影響工作情緒,令您嘅事業進展反反覆覆,停滯不前。至於從事人緣有關嘅工作,如保險、演藝、銷售、地產經紀或零售業,則大為有利,可以有較佳嘅發展添!
喺財運方面,屬羊嘅朋友因為受到『白虎』小人星出現,令人際關係糾紛特別多,容易損財。好在有粒『暗貴神』星出現,正途發展可獲不錯嘅收益。投機賭博則難得助力。若然有人向您借錢嘅話,應慎重考慮!
羊仔羊女今年桃花運方面,因『天哭』凶星暗現,容易惹上桃花劫。故您要小心處理感情上的變化,經常保持警愓,防是非紛爭。您最好閒事莫理,明白『煩惱皆因強出頭』之道理,勿胡亂做出傻事而傷害自己!
健康方面,羊仔羊女因為有『大煞』呢啲兇星攻擊,小心血刃、金屬同埋車船之險。搭車或搭船的時候,要小心謹慎!另外又有一顆『白虎』凶星入侵,健康會有倒退的現象,多作善事可以減輕凶星的衝擊。
雖然屬羊嘅朋友喺2019年似乎運勢意外重重,壓力又大,可以作以下布局來化解!今年是非位喺屋嘅正南方,要移走正南方所有綠色物品,改用紅色系列嚟佈置,最理想就係加埋個『化是非葫蘆』。另外,桃花位喺正西方,可以擺黃色鮮花,同埋配帶一個『月老金牌』,愛情就會更加順利啦!