屬蛇嘅朋友喺2019年是沖太歲年，即係運程會喺兩極化。由於『歲破』同埋『大耗』星一齊入命，正所謂『歲耗齊來，破財困阻』，今年各位蛇仔蛇女應該會覺得積聚財富能力十分弱，錢財支出比去年多，健康及財運唔順利，做事亦感覺困阻重重！投資不宜太過進取啦。

        事業方面，屬蛇嘅朋友今年受『沖太歲』同埋『歲破』星嘅影響，多咗往外地工作嘅機會，發展空間亦多咗，要留意喺外地小人橫行及易遭受血光之災。故此，出入要小心，慎防車船之險。好在有粒『月空』吉星照護住，對做生意嘅您會是『勞碌生財』，大賺外地錢財！不過仍需要小心『歲破』星嘅纏繞，今年是是非非仍然好多。 

　　喺財運方面，屬蛇嘅朋友受到果粒『驛馬』星影響，向外地發展嘅機會多咗，正是『勞碌生財』大賺異地錢財。同時又有粒『大耗』損財星出現，出外工作時好易有破財的機會，小心為要，偏財運更加麻麻啦！ 

　　蛇仔蛇女今年桃花運方面，因為有粒『月空』星嘅出現，身邊會有不少追求者。重係要提防『歲破』星之影響，容易陷入三角糾纏之中，或與家人溝通欠佳，犯上刑責嘅訴訟事件。未有伴侶者，留心可能有意想不到艷事發展機會！ 

　　健康方面，蛇仔蛇女因為『沖太歲』嘅關係，所以要特別容易有意外損傷，例如：擦傷皮膚，或者工作時擦傷手腳之類。外出可多點吸收陽光，做多些運動，增加正能量，令負運能量減至最低就可以啦！ 

　　雖然屬蛇嘅朋友喺2019年，似乎運勢起伏不定，波折重重，可以作以下布局來化解！今年財神位喺屋嘅中宮位置，可以選擇一個良辰吉日，喺屋宅中宮位放紅色紫色、方形或圓形嘅陶瓷盒或木盒，盒內放Ｄ聚財『黃水晶』收納財氣，甚至配帶一個『聚財神金牌』嚟聚吓財，錢財就唔會流失啦！