東姑（東周刊靚姑姑）聽師傅講，贏官司後，佢（區仲德）第一時間貼多十幾萬出嚟，湊夠一百萬齊頭數，捐出嚟做善事。除咗捐一百萬畀靈鷲山佛學會重修佛寺。

以下是 區仲德 的心聲：　大家好！

　　2012年，我有一宗錢債官司，追討一名客人拖欠約100萬元風水服務費，喺今次事件，我算喺一個最幸運嘅風水師，公司能夠嬴到官司，同埋收到88萬2千元。

　　我近期一直在諗，今時今日的香港，點解越來越戾氣重而和諧變少，係因為糾爭越來越多，守信用守法的人越來越少。我好感動明哥關愛基層的精神，付出自己能力不問收穫去幫人，作為一個玄學家，本應就要用愛心、真心、誠心同埋誠實嘅態度替客人消災解厄，其實同明哥的精神都係不謀而合。

　　所謂：十方來，十方去；我決定資助明哥派飯盒之餘，亦捐出港幣100萬，俾靈鷲山呢個佛學會去重修佛寺，做Ｄ功德。希望能夠借助呢個佛寺嘅慈悲，去幫助一Ｄ需要幫助嘅人，嚟發揚「善有善報」嘅精神。

　　喺呢度我再講一聲，喺未來日子裡面，我仍然會用愛心、真心、誠心同埋誠實嘅態度，去幫助我嘅客人，嚟報答各方，對我廿多年來嘅支持同埋愛戴，多謝大家，多謝明哥同班義工！

                                                                      區仲德博士  二零一五年初冬