楊明風水屋避劫 區仲德談風水格局 -- 東周刊
無綫小生楊明去年八月駕車在半山馬己仙峽道自炒撞壆，搞到官非纏身。現仍在保釋候審的他，被公司全面停工之餘，就連他擔任要角的兩套熱播劇:《伙記辦大事》及《逆天奇案》，都一併「被缺席」所有的宣傳活動。據知，隨時因為官司星途受挫，甚至身陷囹圄的他，早前就獲玄學高人指點，教他入住女友莊思明家族的山頂獨立屋，可憑風水之助，幫他避劫擋災。
貴人屋逢凶化吉
據玄學家區仲德博士指，雞年出生的楊明命格屬陽丙火，去年八月因相破鼠年太歲，觸犯飛刃煞及卷舌凶星引致車禍劫難。今年金牛年得逢三合及天解星照護，再配合旺宅，以及女友莊思明正是他的貴人星，相信運程會轉佳。
區博士說：「呢間山頂道豪宅，居位於南北正向，係『旺丁旺財』臨門嘅吉局，遇貴人多。今年正南方丙火，係楊明命格位，巧逢一白人緣『流年貴人』星飛到，吉利之象。以楊明八字命格而論，女友莊思明屬兔年正月出生嘅陰乙木，木可生火，正正就係楊明嘅『命格貴人』，兩個不但匹配，而且女方對楊明嘅運勢亦有好大助力。」
他續說：「所以，住多啲呢間屋得到『家宅貴人』力量，再黐多啲女朋友，結合埋『命格貴人』助力，相信好多嘢逢凶化吉，幫到佢擋晒啲官非、是非煞，終會轉危為安，破財擋災！」
