風水命理開運專家

		報章名稱：忽然1周刊登日期：2003年10月10日文章主題：嫁鬼佬有樣睇

　　戀愛最緊要溝通，同種同族都未必啱傾，何況與異族？但鬼佬對名女人好像特別吸引，張栢芝最近老作有鬼佬男友、張曼玉情繫法國男人、才女如郭錦思、叻女如鄧蓮如、李桂蘭、杜黃韋娘，最終都情歸鬼佬，是否高質素的女性特別祟洋？其實姻緣天注定，區仲德師傅憑面相已經知道你是否會與鬼佬談戀愛！

愛鬼面相
1. 粗眉而亂
　眉粗代表為人心亂、易躁急、姻緣多變；眉逆（即眉毛不順生）顯示性格橫蠻任性，如野馬般難馴；眉粗則主動性強、主見多。有這3種眉的人特別與性格較開放開明，民主意識強的洋人戀愛。此外如眉頭起角（即劍眉），表示敢作敢為，愛追求理想，故會接受非傳統的異族戀愛。

2. 山根高鼻有節
　鬥心極強，而且鍾意支配人，找伴侶也希望他外表高大威猛、有名有利，不僅事業上幫到你，拖住佢出街也要有艷羨目光，鬼佬最合你！

3. 眼頭尖
　好似鷹眼唁眼頭尖向下斜表示是完美主義者，對配偶千挑百選、左揀右揀，同族中難找到，當然要放諸海外找異族啦！

4. 驛馬位高廣
　額高而闊，驛馬咁勁，有幾遠去幾遠，除代表經常出遊外，更會在他方落地生根，發展異地情，走都走唔甩。

5. 上唇薄下唇厚
　即顴骨高，下巴尖成倒三角形。這種相的人比較聰明，但卻任性、衝動、桃花重又追求完美，唔叻、唔靚仔、唔突出嘅男人都唔揀，自然要擴闊擇偶範圍搵洋人啦！

嫁硬鬼佬四要點
　　如果你的面相有左邊任何一點，你就有機會與鬼佬談戀愛。但若你想與他開花結果，就要有以下任何一個特點。

1. 口大
　命中注命是職業女性業，重視事業，更積極向外發展，識鬼佬多自然嫁鬼佬。

2. 胸大
　不僅是嫁得遠的特徵，更表示你能夠接受洋人的好「性」，甚至覺得如魚得水，婚姻自然美滿。

3. 眉濃
　眉主腎，眉毛濃腎氣足，重視性生活情趣，中國人可能覺得你太open，但與洋人則一拍即合。

4. 鼻長
　即鼻的長度有額頭的長度8成以上，代表你感情較奔放，主動性強，並非中國男人所好的小鳥依人，反而洋人開放的性格會較易接受你。

驛馬位催谷異族桃花
　自問無以上嫁鬼佬特徵，但又想谷異地緣，最佳方法，是在驛馬位中放一個插了3枝花的花瓶，即刻會有鬼佬垂青你。
　 1. 2003年驛馬位──屋中央
　 2. 2004年驛馬位──西北位

與洋人無緣
　如果你好想同鬼佬拍拖結婚，生個靚混血BB，但係蒲極蘭桂坊、甚至多鬼佬同事都未有姻緣，快啲照鏡睇睇你是否有以下特徵：

1. 眉幼而弱
　表示為人愛穩定、不求變，按本子辦事，在華人社會中又如何識鬼佬？

2. 印堂窄
　即為人謹慎、不隨便，人家與你hughug（抱抱）都面紅，鬼佬都唔敢追你！

3. 兩眼平衡
　表示你對愛情謹慎，計過度過先出擊，諗得嚟個鬼佬都返咗祖家啦。

4. 面細鼻大
　性格較馴良，又即係細膽，凡事循規蹈矩，異族戀？一定無膽博。

5. 下巴圓
　為人大方專一，要男友都同你一樣，所以不會接受個性開放，花心男友，好似Maggie啲浪漫法國男友唔合你。