風水命理開運專家

		報章名稱：忽然1周刊登日期：2002年03月08日文章主題：掌權女性有樣睇

掌權
　　現任政府女高官的名字你能數得出幾多個？至少都有4、5個啩！現代女性的能力及影響力已無可置疑，亦不需要三八婦節女節這些日子來加冕，不過能否爬得上高位，掌權握匙，除了能力之外，都有面相睇架！有齊以下其中三項特微，已經係管理級人馬架啦！

山根高
忍者高手
參考例子：律政局局長梁愛詩
　　山根位於兩眼之間的鼻樑最高處，山根低的人，EQ都低，畀人激多兩激，乜火都爆；相反山根高的話，代表鬥心強，兼忍耐力高，畀多幾隻死貓佢食都唔會吭一聲，屬忍者族高手。梁愛詩就是一例。

稜骨起
鬥心夠強
參考例子：庫務局局長俞宗怡
　　稜骨即指眉骨位，若稜骨高聳凸起如簷篷，表示此人鬥心極強，自信心亦強，唔甘心屈居人下，好聽講句就是有大志，唔好聽就叫唔輸得，點都要撐！通常男人較多有此特徵，女高官中，都冇乜邊幾個有，俞宗怡算是稜骨較高架啦！

官祿宮飽滿
名聲響
參考例子：平等機會委員會主席胡紅玉
　　官祿宮位於印堂位，即兩眉之間位置，這是主名譽的宮位，若夠平滑兼飽滿，表示此人會揚名聲，顯父母，唔怕無人識，若凹陷或有刀疤傷痕都唔好，莫講話難出名，就算出名亦非因好事。好人辦有陳方安生及胡紅玉。

顴骨高
管治力強
參考例子：前政務局局長陳方安生
　　顴骨位主權力及管治力，睇人惡唔惡死，管唔管到人，就係睇這個位。顴骨平凹的人被人蝦到上面都唔識發惡，相反顴骨高凸而有肉的人，權力慾強，管治力亦強，夠威嚴夠硬淨，你睇吓陳方安生個顴骨幾高。有冇機會做高官或高層，這個位置好重要。

鼻頭高
心頭高
參考例子：教育統籌局局長羅范椒芬
　　鼻頭圓渾有肉主有福祿，聚到財，但野心不大，若鼻頭高而尖削，則主此人心頭亦高，不甘平凡，野心極大。羅范椒芬就有一個尖鼻子。眉毛粗有衝勁參考例子：現境食物局局長任關佩英　　眉毛幼而淡色的人性格柔順，若粗而濃者，主剛強自主，主觀性強，唔俾人話得，但做事有衝勁，肯搏。任關佩英就有雙粗濃眉毛。

眼神足
決斷力強
參考例子：民政事務總署署長李麗娟
　　眼神足的人精力充沛，思路敏捷，判斷力強，亦能服眾，若眼神不足如死魚眼，代表此人優柔寡斷，難成大器。李麗娟的眼有神采，表示她決斷力兼自信心都夠強。

面骨露
霸氣足
參考例子：葉劉淑儀
　　面珠有肉，福氣有餘霸氣不足，惡起上來冇人驚，若面部的骨骼架構十分明顯，則表示此人霸氣足，唔出聲已令人畏懼三分。葉劉淑儀簡直是表表者。

上唇薄
鐵面無私
參考例子：社會福利署林鄭月娥司
　　上唇主情，下唇主慾，如上唇薄，表示此人比較薄情，做嘢公事公辦，無人情講，可以說是鐵面無私。林鄭月娥是最佳人辦。