「我太太以前喺英國讀書，佢鍾意歐式設計，而我就負責全屋布咗二十幾個風水局，因為要程序、計日子、計位置、計五行夾命，所以係需要啲時間。」區仲德說。

　　大廳歐洲宮廷式設計，隱藏不少玄機在其中，客廳的所有門戶、窗戶，皆放上藝術品一樣的象擺設，原來有吸財化煞之用，象身上亦有聚富財寶局，風水學上能幫助吸財。窗台左右兩邊放上龍龜守護，也為屋企人擋災化是非。

特大佛房

　　飯廳上三幅牆身，亦分別有不同風水布局，一入家門即見裝設假火爐的自製偏廳，牆上掛上文殊菩薩像，火爐架上放上名譽寶箱，可令人名譽大增。區仲德和太太都是電視精，喜歡邊睇電視邊送飯，所以飯廳預留一邊牆身掛電視，但電視框也有精髓在其中，雕有蝠鼠作裝飾，實則亦自成一個蝠鼠吊金錢的招財局。飯桌的正中央位置，掏空做擺設位，放上佛祖頭像，並以二十四體福字圖作襯底，點綴飯廳之餘，亦是福壽均全的風水陣法。

　　區仲德和太太都信佛拜佛，廳置有菩薩、佛像之外，更特闢一間打坐拜佛房，供奉觀音、地藏菩薩等，拜佛房面積逾二百呎，較主人房更大，區仲德解釋：「我同太太都篤信佛教因果，應承咗畀個最舒服環境畀佛祖，亦希望得到觀音佛祖能量庇佑，自己健康、搵到錢，同埋幫到人。」拜佛房之內，亦放有幾款寶箱陣，以增財、消災和添運。