風水命理開運專家

		報章名稱：新Monday 刊登日期：2001年11月16日文章主題：張柏芝穿環買凶宅有排旺

穿臍環利事業損身心
　　最近柏芝追上歐美熱潮穿上臍環，區仲德師傅就話「肚臍」屬人嘅飲食位，故穿上臍環嘅柏芝日後對食物特別挑剔。不過由於臍環並非「人有我有」嘅關係，對一個人嘅名聲、聲譽反而有助提升，對事業有所幫助。

八凶線上多非命
　　本來柏芝嘅新居屬水桃花宅，特別有利於娛樂事業嘅人，不過鄰近嘅單位卻踏正八凶線上，環繞住八凶線嘅房屋，每當屋主入住後總會意外死亡，死於非命，更會有連環災害，即一個單位內不斷有命案，住人死人，養狗死狗，所以柏芝新屋附近多凶宅。

陰氣重有利事業
　　既然附近多凶宅，自然陰氣特別重，不過咁樣反而重有利柏芝事業，事關陰氣屬陰財，對偏門事業有利，而娛樂圈正屬偏財嘅一種。另外，區仲德師傅亦提議如果新屋內設多個五鬼運財局，相信屋主更易搵大財。不過，陰氣過重的話，孕婦們就要小心為上，因為好有機會有小產嘅情況出現。

富貴竹旺愛情
　　照以上區仲德師傅所言，柏芝這間凶宅咪必定旺死柏芝？區師傅就表示：「咁又未必，其實佢屋內都有幾個凶位，如西南面嘅偏財位，由於今年有災難星降臨，所以西南唔可以種樹或有綠色物件，否則就算搵到錢都會有血光之災。另外東北位又唔好有紅色、綠色物件或者魚缸之類，否則入住後有可能要入院做手術。」最後，區師傅更建議柏芝新居擺設，若果想旺桃，可以喺東南位種7枝富貴。若果想旺財，可以係南位放隻紅馬擺設，咁樣就有機會出外搵錢，賺下外匯。