風水命理開運專家

		報章名稱：新Monday 刊登日期：2004年09月03日文章主題：黃又南4百萬豪宅大爆格

新居愛情錢財兩旺
　　個樓盤真係不得了喇，佢令到現今低迷嘅樓市再變得熾熱起嚟，而又南購入嘅單位屬於兩房向海嘅細單位，單位面積約670呎左右，呎價大約$6,000，嘉亨灣位於西灣河，面向鯉魚門海景，對岸就係觀塘，盡覽尖沙咀海景。睇嗰度背山面海，環境就一流，唔知嗰度嘅風水好唔好、利唔利又南呢？所以我哋就請教咗堪輿學家區仲德師傅。

　　區仲德師傅：「睇番又南係農曆9月出生，命格屬木，而整體嚟講，嘉亨灣嘅風水都幾利佢財，但因為嗰度缺乏靠山，所以公司嘅支持度可能會降低。而愛情運方面，因為桃花位喺北面，而又南買嘅向海單位都係向北，所以絕對係愛情錢財兩得意呀！」