風水命理開運專家

		報章名稱：東周刊刊登日期：1997年01月02日文章主題：劉倩兒喜事近

　　究竟劉倩怡呢間面積有七百呎大嘅安樂窩，有乜「正」同「唔正」嘅地方？唔使心急，不如等區仲德師傅同大家一齊去「追擊」吓啦。

追擊一
　　劉宅大門喺東北面，卦線屬水澤節卦，稱之斬將封神，利殺出重圍，突出自己。奇門風水顯示係玉女守門，對於洽談、約會、相親較為順利。

追擊二
　　劉宅嘅生氣位喺床位位置，利名利、旺丁，以配命而論，屬天醫位，對健康有利，有貴人扶持。再加上睡房向正南面即有粒喜慶星重疊床位位置，換言之劉倩怡將有喜事出現。

追擊三
　　動財星喺劉宅嘅西南面，區仲德師傅建議劉倩怡宜在牆角位擺粉晶柱，用意是催旺財氣。而奇門風水顯示屬正其得使，利結婚、旅行、同人競爭。

追擊四
　　文昌位喺宅嘅正東面同東南面。區仲德師傅提議劉倩怡喺廳嘅中央旁側位置，擺放尖狀物件，如掛毛筆此有助出名。至於東南面嘅文昌位則是先後天嘅文昌位。

追擊五
　　劉宅嘅當運財星喺正北面屬雙七，可惜卻在灶位位置。原來當運星是屬金，灶則是屬火，一火一金加埋就剋住個「財」字，搞到錢財被阻住，做生意會較蝕底。好彩亦有化解方法，就是在灶位位置擺放一杯水，此舉能制火潤金，有助生財哩！

追擊六
　　宅嘅財位喺東面窗位，故區師傅又建議到倩怡喺東面窗位位置，擺放黃元寶有助催旺財氣。