風水命理開運專家

		報章名稱：東周刊刊登日期：1996年11月21日文章主題：肥媽二千呎多財宅

　　肥媽這間位於清水灣附近的複式洋房，面積有二千三百呎，另外還設有花園、天台和停車場，加上室內設計簡單舒服，肥媽以七百二十萬的價錢購入，入過屋的朋友均讚口不絕，頻頻讚肥媽買得抵！

　　區仲德師傅亦盛讚此屋的門位和門卦都十分之靚，門向西南，屬一四位，叫準發科名之顯，門位顯示亦可以出名，一四位亦係有桃花，所以亦稱為桃花門。

　　門卦線向地風開卦，稱之為指日高陞，卦象顯示會有聲望。此外，喺奇門遁甲裏，顯示屬於辛儀配開門，就係可以知足常樂，家運安寧及可得從心，人亦會比較開朗。

擺魚缸動財氣
　　宅係坐東北向西面，而佢嘅正西南，稱之為八六吉星，係一個動財位，魚缸放嘅位置係個財運好位，可以動財運，擺放魚缸正好動到財氣。

　　客廳梳化位，叫做乙奇配景，坐喺度亦會精力強壯，事業有成就，發展穩健，正是好處多多。但唯一唔好處，係這裏亦叫二三鬥牛煞，會容易招是非。但肥媽喺度擺放了一個白花樽，正好化到是非，但如果想更加好，區仲德師傅提議擺放九個古錢。而擺放紅色梳化亦有利，據區師傅表示，肥媽的卦象與很多顏色都很夾，只是不夾綠色而已！

　　睡房方面！肥媽嘅睡床係喺房嘅東北面，喺宅裏面亦屬於多運嘅動財位，在玄空飛星裏是雙七位，屬於星到位，由於房裏不宜見水氣多，因為容易多病痛，所以擺放靜水有利，可以引動財氣。

床頭喜報三元
　　床頭位喺玄空大卦裏叫地天泰卦，即喜報三元，三元是指得名、得利、得財。

　　房嘅門卦屬天水訟，稱之為二人爭路，表示鍾意與人分享事物，就算賺錢亦鍾意與人分享。而肥媽瞓緊嘅屬於工作財位，稱之為乙奇配景門，適宜做嘢搵錢。