風水命理開運專家

		報章名稱：東周刊刊登日期：1996年10月17日文章主題：呂珊新居有財有桃花

　　呂珊搬到麥當奴道的新居才不過幾個月，由於交通方便，對新居環境、阿珊倒十分滿意。

　　新居面積不算大，不過五百多呎，但經裝修師傅重新設計後，感覺寬敞，令人有種舒適感覺。

　　屋的布局很好，入屋後，一層層變大，這個設計可以吸財，是個裝錢局。

閨房：生氣房、利男緣

　　未知是巧合還是冥冥中早有安排，屋最初買時，廚房、厠所、房間的三道門本是連成一線，但因為阿珊有感屋的面積不大，經裝修師傅指點偷吓位，才改過設計。就係咁，阿珊嘅睡房門便關在另一邊，經此一改，這間房對阿珊十分有利。

　　這間房屬「生氣房」，可謂容易搵錢，對健康都很好，而且卦門最靚，卦門向住水澤節卦，號稱斬將封神，即可殺出去，住在這裏，七八年都有利。

　　不過據區師傅說，床嘅坐線就麻麻哋，坐卦屬水雷噬嗑，喺玄空大卦上，命配就會差小小，號稱「飢人過食」，做嘢會好急，比較「摛青」，房屬桃花王，利男緣，入住之後，會有男士追求。不過，喺奇門風水上，床位屬戊儀叠傷門，對結咗婚嘅人嚟講，容易做成夫妻互不信任。客廳：易容騙，礙求學

　　客廳方面，是壬儀叠杜門，容易受騙。幸好，阿珊返到屋企，亦很少會坐在客廳，因此對她影響不算大。

　　梳化位向東南，丁奇叠死門，有礙求學，在玄空飛星上，財星會受困，但黃色布置有助化解，而她有一張梳化咁啱係黃色。

擺設櫃：靈符助工作財運

　　此外，廳中擺放水晶飾物的櫃位也很靚，是正東位，喺玄空飛星上屬「動財位」，所以好易搵錢，其中擺在櫃內的靈符，亦有助搵錢。難怪區師傅也說，靈符擺得好，呢個位係庚儀叠工奇，利工作及財運。