風水命理開運專家

		報章名稱：東周刊刊登日期：1996年10月10日文章主題：洪健華家中彈琴等運到

　　洪楗華事業發展平平無奇，點算好？區仲德師傅睇過佢嘅新居，有以下批言：想發達，要多彈琴！

　　洪楗華最近由廣揀道舊居搬往天水圍，雖然交通並不方便，但居住環境較佳。

　　這個面積一千五百三十平方呎的新居，乃大廈頂樓之複式連天台單位，由於窗多陽光充足，故予人開揚的感覺。

　　「我哋一家人睇過海恰半島同問格嘅單位，要賣成千五萬，所以嚟呢度睇樓後，好快就決定買呢度。」

　　洪爸爸以五百二十多萬買下這個單位，華仔認為價錢相當合理。

　　「暫時唔係咁多工作喺身，所以我出街都少咗，主要係由於住得遠，加上又無車牌，雖然話搭的士講價有七折，不過都係好貴。」

黑點

　　洪宅坐南向北，從奇門風水顯示門位屬傷門配戊儀，住喺呢間屋嘅人，下半年工作會幾辛苦，搵錢唔係咁易。

　　從明年奇門風水顯示，門位屬景門配癸儀，洪楗華將有貴人相助，而且會有桃花。

　　大門對窗冲門漏財，財來財散難聚財。

　　大門外出走廊成穿劍煞，極為不利。

　　宅內之梯級全為雙數，由於風水學上單數主生，雙數主死，故非常不利。

靚位

　　最有利位置，則係擺鋼琴嘅地方。呢個係人緣位兼財位，擺梳化嘅係文昌位，華仔多在此兩地逗留，會有助人緣，聲名和財運。

　　洪宅四面環山，從商不利，但華仔做藝人，山主功名，所以一定可以起名。

化解

　　據區師傅表示，化解穿劍煞可在門楣上以八個古錢封頂，對正大門嘅窗長期關閉拉簾，可避免漏財。

　　文昌位（梳化位）可擺放文昌柱令聲望隆起，鋼琴位則可擺放黃元寶或粉晶球來聚人緣和財氣。

　　每段梯級頂擺放一塊地毡，以化解地級之死數。

　　區師傅說：「預計今年華仔工作會比較辛苦和奔波，而且賺唔到錢。不過明年佢有機會出名，而且仲賺到錢添！」

　　洪楗華聽罷，總算放下心頭大石，而露開心笑容。