風水命理開運專家

		報章名稱：東周刊刊登日期：1996年09月26日文章主題：黎淑賢喬遷誤入桃花陣

　　三個月前，黎淑賢從元朗老家搬入西貢居住。

　　「起初我很希望將間屋布置得好靚，全部都用綠色嘅，不過由業主將牆身油咗呢隻綠色後（不是理想中的粉綠色），我就冇乜心機了，之後仲接二連三遇到啲掃興嘅事。」

　　原來，黎淑賢打算窗簾布沿用梳化嘅綠白間條款式，誰不知道款式的布料不足，其友人為她代揸主意，選用了碎花圖案嘅窗簾布。

　　「啲碎花布成幾千蚊，冇理由買咗唔用咁浪費。雖然係娘娘地，不過我都安慰自己，睇落又幾有田園風味吖！」

　　擺放電視機和裝飾品嘅組合櫃，亦出現貨不對辦嘅情形。

　　「買嘅時候明明話要深嘅木色，點知送到嚟係淺嘅木色，由於我無時間再等人換貨，所以咪收貨囉！

　　「呢個茶几，睇嘅時候都好細架，送到嚟我屋企，先至發覺係咁大張，都幾阻地方。」

　　雖然黎淑賢嘅家居，係由咁多錯誤組合而成，不過據區仲德師傅表示，此宅風水不俗。

　　宅位從東北向西南，據奇門風水顯示，今年屬辛儀叠開門，卦象為知足常樂、家運康寧、事得從心。

　　從懸空大卦顯示屬向地風升，門卦卦象為指日高升，加上今年文昌星到，可以起名。

　　床卦為地天泰卦，喜步三元，可以起名。

　　床為正東位，從奇門風水顯示屬乙奇配景門，桃花極旺。

　　鏡對房門，招桃花。

　　灶於正南位，灶向天窗無妄卦，卦象鳥被籠囚，假若煮食多，愛情和金錢都會受困。

　　中宮位即應之中央，從懸空飛星顯示，屬父母三脫卦，可得人望。加上窗外巒頭靚，外名堂寬敝，可引動名聲搵到錢，惟過三關唔聚財，錢搵得多亦使得多，由於中宮位不宜見污水，偏又開正廁所門口，所以犯重桃花。

　　據區師傅表示，此宅屬桃花宅。

　　「自從搬左入嚟，我都覺得桃花好多，所以一定要化，不過又唔好化晒喎！」

　　以緣玉石放於床頭，擺放三枝富貴竹於中宮位均有助化解桃花。

　　兩間房均宜長期拉簾，並於門頂擺放七個古錢化煞聚財，大門亦然。