風水命理開運專家

		雜誌名稱：東周刊刊登日期：2009年1月6日文章主題：發哥超旺祖墳爆光

　　發哥孝義為先，祖先自然保佑，故祖憤風水亦超旺發哥，玄學家區仲德指出，此墓所是本港難得一見的風水靚穴，稱為「明珠出土穴」，大利後人得名和得利。他說：「本身個墳位處南丫島，嗰度少發展，條龍脈過百年都未受到嚴重破壞，另外穴位坐東北面向西南，Ｏ八年重修，撞正八運西南發水，令呢代後人可以出到名成利就o既人，九六年開始行地運，Ｏ四年開始行天運，天地配合，後人會一路發落去。」

　　據區仲德表示，風水上水代表財，樹木代表名聲，穴在山邊叢林中，前面有樹木阻隔，後人先辛苦經營得名望，往後財富才會愈積愈多。不過，靚穴亦有不足之處，區仲德續說：「雖然話南丫島有乜發展啫，但始終起咗啲發電設施，墓穴在前方o既電廠煙囪同後山o既風車，都是不利人丁和健康之象，加上應該係重修關係，斬斷前面啲樹木，對後人身體會有影響，所以最好加高個墳，同埋前面再種樹仔好似披張地氈咁，就會好番哂！」而他又指出，此穴造型成三丘狀，作為此墓先人的第三代孫發哥，收到的氣場最旺，穴頂戴冠、戴帽，後人得貴氣並會出名，難怪發哥在娛樂圈屹立不倒三十年，吸金能力愈戰愈旺，身家聚積逾十億元。