風水命理開運專家

>> 娛樂圈假胸女星名單 >> 娛樂圈假胸女星名單

		報章名稱：新Monday 刊登日期：2005年12月02日文章主題：娛樂圈假胸女星名單

　　呢期嘅報紙娛樂版、封面雜誌，可以話係香港有娛樂圈以嚟，女明星狂露上圍嘅瘋癲時期。個個都講緊邊個女明星最大胸、邊個最假胸！

　　所以今期《新Monday》就搵嚟玄學家區仲德師傅用女星面相及出生日期，推算出邊個女星嘅上圍涉嫌係假嘅，即check!

加菲胸
　　玄學家區仲德師傅表示：「口部（大小）適中，叫做四字口。上唇主情，下唇主慾，下唇愈厚，代表胸部會愈大愈鬆；相反下唇愈薄，胸部就會實，有彈性。佢對眼比較細，但口都算大，所以佢嘅胸部應該係中型再大少少咁樣。因為眼唔夠大，所以佢有機會係加工嘅。」

寶島胸神
　　玄學家區仲德師傅表示：「依面相睇呢個好明顯係有加工嘅，但口細，眼又冇神，雖然上下唇都厚，但係對佢身材冇咩影響，身材對面相應該係普普通通咁嘅啫，所以應該係有加工過嘅」

死敵胸
　　玄學家區仲德師傅表示：「佢有對下三白眼同埋醉眼，望落去好似想瞓著咁，口比較細，呢啲（樣）有加工成分存在，而且下唇薄而帶鬆，（胸部）唔會幾結實，比較鬆散，所以有機會係後天加工嘅！」

大胸大
　　玄學家區仲德師傅表示：「佢嘅下唇寬大，款待紋少，口睇落似幾大咁，但係因為佢嘅眼比較寬，所以口部並冇超出中間位置，都唔算大，以佢而家咁嘅身材，有機會係造嘅。」

大頭菜
　　玄學家區仲德師傅表示：「佢口（嘅大細）啱啱過眼中間（位實），叫做適中啦，佢呢種有少少叫鳳眼，（眼頭）啄落嚟嘅，對眼唔算細。身材應該唔差，但係佢而家嘅身材咁誇張，都有可能係自己後天做過少少嘅加工。」

大家姐
　　玄學家區仲德師傅表示：「佢個（口）冇咁大，以面（形）嚟講，口就叫做略大咗少少，因為以眼嘅中間嚟計，口唔係大，亦唔係細，身材應該比正常人大少少，唔會好誇張，所以可能有機會（加工過。」

老外胸
　　玄學家區仲德師傅表示：「佢口好大，佢嘅上下唇都好寬，唇上面冇乜款待紋（唇上嘅直紋），款待紋代表胸部控制得好唔好，佢個唇冇直紋嘅話，係代表佢胸部易脹大，但佢隻眼唔係太大，所以都有啲機會係加工嘅。」

甘草胸
　　玄學家區仲德師傅表示：「呢個女仔個嘴都算大，下唇亦厚，而且有款待紋，但係佢呢對叫做死眼，即係眼冇神，而且亦唔算係大眼，照面相睇，身材應該唔會好誇張，只係會比平常人大少少，所以佢都有機會係造（隆胸）嘅。」