風水命理開運專家

>> 下體受創大凶年 >> 下體受創大凶年

		報章名稱：壹本便利刊登日期：2002年05月25日文章主題：下體受創大凶年

下體受創關夏天事
　　根據玄學家區仲德師傅講，01至03年屬水，尤其是今年02年最旺水！正好今年為水火年，而水旺火弱，所以夏天即農曆5月6日至8月8日出世嘅人今年好易下體有事，由於夏天屬火，所謂水火相沖，對佢哋嚟講相當不利，即係易犯水劫！

　　區仲德師傅重話：「因為水為下陰，即係下半身咁解，腎、膀胱、同性病都包括在內，所以逢夏天出世嘅朋友，都有機會犯水險架！重有紅色利火嘅關係，經常著啲鮮紅色嘅衫褲，都好易出事架！」所以照佢話，今年上述嘅人特別易犯水劫，即係下體多災多難，唉！呢個「下體」大凶年，認真得人驚！

人中扁平
　　雖然宇多田光唔係晌夏天出世，佢根據區仲德師傅用面相分析，宇多田光今年眉中發黑及人中扁平，所以就生卵巢瘤喇！

高危明星
容祖兒小心年尾有水怪
　　「容祖兒命格行水，可惜水太多，而年尾十月、十一月可謂全水，要留意陰部等婦女病。」區仲德師傅話。

　　原來太旺火就會同今年嘅水劫相沖架！「容祖兒農曆5月出世最旺火，要小心搭船出事呀！」

謝霆鋒11月下體高危
　　「以謝霆鋒8月29日出世屬甲辰月，甲戌日，辰為龍，辰戌相沖，已犯咗天羅地網，照推算農曆十一月有機會下體受創！」區仲德師傅話。

　　嘩！霆鋒咁鍾意踢波守龍門，咁下次守龍就要小心啦！

陳冠希大動作易傷細佬
　　區仲德師傅話：「陳冠希本自命格忌水，加上今年運程麻麻，即係出席任何場合表演，都有機會因跳舞太大動作而發生意外！」以陳冠希咁鍾意跳hiphop舞，容也易好似陳奕迅咁撞傷架！

張栢芝看紅底傷下體
　　栢芝同霆鋒都叫做係拖友，原來下體大家都有機會受傷噃！「栢芝屬丁火，代表是非多，尤其今年有水劫，所以栢芝要小心腰部以下，尤其是陰部！」區仲德師傅表示。

　　最近娛圈接二連三有明星下體賴嘢：先有陳奕迅爆蛋蛋及後李敏生子宮瘤，而日本代表亦有宇多田光生卵巢腫瘤，唔通今年係下體受創大凶年？結果玄學家區仲德師傅均承認凡係夏天出世、經常著紅色衫褲嘅人，02年都好有機會下體出事，超大鑊！喂！下一個可能就係你呀，小心！

自check下體受創指數
　　究竟平常人點先會下體受創？區仲德師傅即醒下體受創指數俾各位check check，區師傅重話，中咗以下3招，今年真係苦過弟弟！
1. 農曆5月6日至日月8日出生。
2. 手掌最下位經常青青紫紫，有發瘀跡象。
3. 生肖屬馬、鼠、雞或兔。
4. 成日着紅色衫褲。
5. 正北位放咗魚缸或水種植物。
6. 近期口或下巴位呈黑色或經常長滿暗瘡。

化解3招
1. 唔好着紅色衫褲
2. 多坐東南位
3. 屋企多種花草樹木（不要種水種植物）