風水命理開運專家

報章雜誌 >> 事業 >> 打工仔識簡單風水可保飯碗 >> 打工仔識簡單風水可保飯碗

		報章名稱：蘋果日報刊登日期：1998年08月06日文章主題：打工仔識簡單風水可保飯碗

　　依家好多公司執笠甚或大裁員，打工仔可以利用風水算學，逃過今年裁員一劫。其實要將自己的運氣帶旺，只喺需要用好簡單嘅方法。

放水晶避是非
　　今年嘅是非星到咗西北位置，如果你喺坐響公司嘅西北位，就要小心。是非星喺天體運行嘅星體，每年會於不同位置，除咗影響口舌是非外，重令事業有唔好影響，所以有機會嘅話，一定要離開呢個西北是非星位置。如果真係唔好彩，冇得移位嘅話，可以試用水晶放在枱頭來化解。

黃、白水晶利事業
　　今年嘅財位係響西南和正北位，最好響家中嘅正南位擺上一個白水晶，用以加強事業嘅運勢，如有有兼職，不妨再擺多個黃水晶。

　　另外，又可試吓啲開光嘅正財神和橫財神，好似一個鎖匙扣咁，唔會引起人注意。正財神係管工作嘅，而橫財神係主做生意。

着顏色衫與老闆相配
　　每人固人生肖都屬五行之列，金、木、水、火、土都會有相沖，如果你同老闆嘅五行唔夾嘅話，好可能老闆會覺得你唔順眼，說話都唔多啱聽。化解方法係穿着啲特別顏色嘅衣服，利用顏色化解。以下是今年生肖之五行屬性。

金：猴、雞
木：虎、免
水：豬、鼠
火：蛇、馬
土：龍、狗、牛、羊

知道自己嘅五行和老闆五行後，可參考下面呢個相沖表：
老闆　　　　自己　　　　化解衣服顏色
金　　剋　　　木　　　屬水顏色：藍、深籃、綠色
木　　剋　　　土　　　屬火顏色：紅色
土　　剋　　　水　　　屬金顏色：鮮黃
水　　剋　　　火　　　屬木顏色：綠色、啡色
火　　剋　　　金　　　屬土顏色：泥黃色、深啡色

招財法不宜太多
　　其實民間重有好多方法，好似響枱嘅左邊放上小金龍、粉紅色嘅水晶，幫助建立人緣、西南方放上六條金色絲帶化煞等，但千萬唔好貪心，放到成枱都係呢啲風水用品，咁會惹來反效果，加速俾人炒魷嘅機會。