副刊 (P.15)

蒲台墓氣沉　碑島難復生


　　島上鋪上千墳陣，對蒲台島村民構成莫名壓力，擔心影響風水。有玄學家區仲德表示，龕位是靈體寄託之地，就算未放置骨灰，亦會破壞「龍氣」，影響居民情緒。


破壞後代財運
　　玄學家區仲德表示，如果島上放置大量外來骨灰，會與原有的靈體發生衝突，破壞當地風水。即使石屎板中未放有骨灰，樹木代表山的毛髮，樹木被剷走再蓋上石屎板，亦會破壞山勢的「龍氣」，從而影響到居民的情緒。


　　此外，部分石屎板鋪在村民祖墳前，玄學家區仲德認為，會對該墳的後代造成影響。山墳應該面向廣闊空地或海，切忌面向岩巉的石頭，而石屎板可被視為岩巉石頭，不利山墳風水：「石頭代表煞氣，如果位處山墳嘅左邊，會影響長子，喺右面，會影響長女，喺正面就會破壞後代嘅財運。」





副刊 (P.16)

荔景好猛鬼


玄學家區仲德博士：冤魂百年拒輪迴

　　鬼神之說，信則有，不信則無，玄學家指人死於非命，鬼魂會留在枉死地，除非怨氣消散或舉行超度會，否則鬼魂一百年也不會離開。「呢對姊妹死於非命，屬枉死，佢哋陰魂不散，會停留喺陽間，甚至唔願意離開肇事單位，即使有牛頭馬面嚟捉都會四圍匿！」



　　玄學家區仲德博士表示，枉死鬼魂，心結未解，若沒有舉行超度會，或有高僧唸經超度，鬼魂逗留一百年都不離開去輪迴轉世。若鬼魂得知兇手已放監，怨氣會增加，「啲陰靈可以感應到陽界嘅事，佢哋呢啲叫『憑寄靈』，要等到兇手死去，陰靈才會輪迴轉世。」