風水命理開運專家

報章雜誌 >> 壹週刊 >> 立會蔣元秋　男人唔夠揪 >> 立會蔣元秋　男人唔夠揪

		雜誌名稱：壹週刊刊登日期：2013年1月17日文章主題：立會蔣元秋　男人唔夠揪

　　立法會元秋蔣麗芸上星期又喺會議上力撐梁振英，聲大大咁話：「好多男人連自已嘅結婚紀念日都記得唔清楚，何況個花棚！」歪理都可以講得咁理直氣莊，認真厲害。

　　見到蔣元秋嗰種氣焰同霸氣，記者忍唔住請教堪輿學家區仲德。

　　區師傅話，元秋當旺，連男人都要讓佢三分，唔知佢老公梁海明同唔同意呢？

　　佢話從面相角度分析，元秋法令較闊又深，兩顴飽滿，上唇窄下唇薄，總括嚟講個人好有霸氣，氣勢凌人，係人都要就佢，否則就會俾佢鬧到狗血淋頭，兩、三個男人都唔夠佢講。

　　區師傅仲話，一九五五年出世，屬羊嘅元秋而家行緊運，只係今年受凶星「勾神」同「歲煞」影響，容易口舌招尤，過多一個月踏入蛇年，佢個氣勢會仲旺盛，一直旺到2015年羊年先會差啲。

　　唉，如果區師傅算得準，即係話，蔣元秋將會响立法會愈鬧愈起勁。奉勸各位議員，一字記之曰：忍！記住：認真一定輸！