風水命理開運專家

>> 玄眼尋機：2013年月刊8月份 >> 玄眼尋機副刊 (P.17及P.18)

		月刊名稱：玄眼尋機刊登日期：2013年8月31日文章主題：玄眼尋機副刊 (P.17及P.18)

副刊 (P.17及P.18)
區仲德吸金陣地

　　萬物皆有定時，即使機關算盡，也難保一定可以消災解難。玄學家楊天命因為『你個仔做特首』這句『預言』，招致殺身之禍，其辦公室遭舊客縱火。事後楊聲言己事先在辦公室放了九桶水擋煞。

　　姑勿論閣下信邪與否，但對於玄學家來說，真的一呼一吸都充滿玄機。區仲德博士位於鋼鑼灣糖街的風水命理館，面積不大但處處有玄機。除了滿屋神佛擋煞，就連洗手盆亦採用羅庚圖案。「布滿風水陣係必然嘅事，但最希望啲客人上到嚟聚財，旺人旺己。」

金元寶旺財
　　區仲德博士牌匾加埋太極地磚，令風水命理館的正門甚有氣勢。由於建築問題，樓宇出口對正正門，於是他就擺了財神和三個金元寶，以防漏財。

龍牀笑佛招客
　　區仲德博士於辦公室內放了一張梳化，用作休息，他則將梳化當「龍牀」，有時更會瞓「龍牀」過夜。唔知係咪對得掛牆的笑佛畫像多，區博士的面相與佛像有八分似。

　　區仲德博士幫人睇相批命的風水命理館，座落於銅鑼灣糖街一棟商業大廈高層。電梯門一開，就發現正門地磚由太極圖案砌成。記者避免觸怒神靈，進入時刻意繞過太極，區仲德博士見狀說：「唔使驚，鋪得喺地預咗俾人踩，中國有好多寺廟都有呢類地磚。」

笑佛龍牀氹顧客
　　信則有，不信則無。自小便沉迷玄學，將興趣變成終身事業的區仲德博士，其風水命理館當然布局精深。經過接待處後，眼前湧現滿天神佛，區仲德博士將一個個金色的佛像夜關二哥、月老等神像，整齊地放置於櫃上，將這個角落設計成一個小神壇。他說：「神壇係風水師傅最基本嘅擺設，有啲客人算完命都會拜一拜，但求心安理得。」

　　小神壇旁邊，就是區仲德博士替顧客睇相算命的辦公室。辦公室只有百餘呎，但空間感相當不俗，可能跟牆上掛了笑佛畫像有關。「笑佛個樣似唔似我呀！做人最緊要開心啫，每個客人一入到嚟，睇見呢幅畫都思唔住笑。」顧客感覺舒服，自然樂於消費，區仲德博士真的擅長捉摸消費者心理。笑佛畫像下，有一張金色絨皮梳化，區仲德博士笑言它是一張龍牀，「有時做嘢夜咗，咪索性喺呢張龍牀休息下。風水道理最緊要趨吉避凶，人精神爽利啲自然運勢都順啲。所以我索性封吭洗手間嘅窗，令啲客人有機會望到窗外原來係一條後巷。環境舒服啲，人自然覺得聚財。」

小型神壇
　　小型神壇面積不夠一百呎，除壇前放了一尊金佛外，壇邊更擺了一個組合櫃，放滿求姻緣掛牌和幾個神像。

羅庚晒冷　
　　區仲德博士出外睇風水必定羅庚傍身，他更儲落三十多個不同大小的羅庚，放在命理館看門口。而他手上那個已有三十多年歷史，經已「退役」。

學友做生招牌
　　區仲德博士曾經幫過不少藝人算命，他更將自己分別與張學友和吳國敬的合照相放在枱前，搵藝人做生招牌。

黃百鳴
　　黃百鳴為感謝區仲德博士幫手，曾題了「術高數準　引路明燈」八隻大字俾區博士。

羅庚面盆
　　命理館連廁所也有玄機，區仲德博士就專登搵人設計羅庚手盆。「其實冇咩風水陣，只係想統一風格。」

吸財寶箱
　　大小不同的黃晶加埋銅錢，原來是實箱，俾顧客借用求財。

桃花掛牌
　　區仲德博士除了算命，亦助人催旺姻緣。這些掛牌印上一個個和合仙，是旺桃花恩物。

曲水有情格局
　　區仲德博士扑槌租此單位，原來亦關玄學事。「天橋同馬路等於古代嘅河流。直水無情，曲水有情，呢條彎曲嘅天橋絕對旺我呢度。」